Related Posts
Category : Sports
kuldeep Yadavએ જન્મદિવસ પર આપી સ્પેશિયલ ગીફટ, 17માં 5 અને ટીમની જીત
ટીમ ઈન્ડિયાના સ્ટાર સ્પિનર કુલદીપ યાદવે સાઉથ આફ્રિકા સામેની ત્રીજી અને છેલ્લી T20માં શાનદાર પ્રદર્શન કર્યું. કુલદીપે શાનદાર બોલિંગ કરી અને માત્ર 17 રનમાં 5 વિકેટ લીધી. T20માં આ સિદ્ધિ કુલદીપ યાદવ માટે પણ ખાસ હતી કારણ કે તેણે પોતાના જન્મદિવસના અવસર પર આ સિદ્ધિ મેળવી હતી. કુલદીપ યાદવ 14 ડિસેમ્બરે 29 વર્ષનો થયો. કુલદીપે મેચમાં માત્ર 2.5 ઓવર ફેંકી હતી.
કુલદીપ યાદવની બોલિંગ એટલી શાનદાર હતી કે સમગ્ર સાઉથ આફ્રિકાની ટીમ 95 રનમાં સમેટાઈ ગઈ હતી. દક્ષિણ આફ્રિકા તરફથી ડેવિડ મિલરે સૌથી વધુ 35 રનની ઇનિંગ રમી હતી. આ સિવાય એડન માર્કરામે 25 રનનું યોગદાન આપ્યું હતું. આ બે સિવાય અન્ય કોઈ ખેલાડી પોતાનું કૌશલ્ય દેખાડી શક્યો ન હતો.
ભારતે દક્ષિણ આફ્રિકા સામેની ત્રીજી T20 મેચમાં 106 રને જીત મેળવી હતી. આ જીત સાથે ટીમ ઈન્ડિયાએ શ્રેણી 1-1થી બરાબર કરી લીધી છે. ત્રણ મેચોની આ શ્રેણીની પ્રથમ મેચ વરસાદને કારણે ધોવાઈ ગઈ હતી. બીજી મેચમાં દક્ષિણ આફ્રિકાનો વિજય થયો હતો. આવી સ્થિતિમાં ત્રીજી અને છેલ્લી મેચ બંને ટીમો માટે નિર્ણાયક બની હતી.
દક્ષિણ આફ્રિકા સામેની આ મેચમાં સૂર્યકુમાર યાદવે શાનદાર સદીની ઇનિંગ રમી હતી. સૂર્યકુમારે માત્ર 55 બોલમાં પોતાની સદી પૂરી કરી હતી. આ ઇનિંગમાં તેણે 7 ફોર અને 8 સિક્સર ફટકારી હતી. સૂર્યકુમાર યાદવની આ જોરદાર ઇનિંગના કારણે જ ટીમ ઇન્ડિયાએ 201 રનની ઇનિંગ રમી હતી.
સૂર્યકુમાર યાદવ ઉપરાંત યશસ્વી જયસ્વાલે પણ 60 રનની શાનદાર ઇનિંગ રમી હતી. જયસ્વાલે પણ 41 બોલની ઈનિંગમાં 6 ચોગ્ગા અને 3 છગ્ગા ફટકાર્યા હતા.
Load more
